దేశ గీతం ...

లే... లేచి నిలబడు సోదరా  

దేశానికి  గెలుపు ఉంది

అడ్డు నీకు ఏముంది?...లే...

కాదు నువ్వు... కాదు నువ్వు..

సోమరితనపు సోగ్గాడు

ఓటమిని ఓర్చేవాడు...కాదు నువ్వు

కాదు నిజం...కాదు నిజం

పొరుగు దేశం గొప్పది

ఈ దేశం మార్పు లేనిది...కాదు నిజం

అడగబోకు  నువ్వు  అడగబోకు

అందరూ తప్పే, నేనైతే తప్పా 

ఒక్కనితో వచ్చేది మార్పా?...అడగబోకు

విడువబోకు నువ్వు విడువబోకు

ఒంటరివైనా పట్టుదలను విడువబోకు

నిన్ను నీవే అడగాలి మరువబోకు

లేచి నిలబడు సోదరా

దేశానికి గెలుపు ఉంది..!