అదే ఆనందం ...

చీకటిలో 

వర్షము చెలి నీవు 

అనుభవంలో ఆనందం లాగా 

కనిపించకా 

గుండెను తాకేవు 

ఊహలలో 

వెచ్చతనం చెలి నీవు 

బొమ్మకు మేరుగునిచ్చే 

రంగులాగా 

నా కలలకు 

అందాన్ని తెచ్చేవు 

నువ్వు గుర్తొస్తే 

అదే సంతోషం 

అలాగే ఉండిపోతే 

అదే ఆనందం ... 

మాతృపిండం దదామ్యహం...

కన్ను తెరవక ముందే 

అడగక ముందే 

నా ఆకలి తీర్చింది 

అమ్మ కడుపు !

నేను పుట్టి ; కష్ట పెట్టి 

బాదను పంచినా 

ఓర్చుకుని ఊరుకుంది 

అమ్మ కడుపు !

భారమో ఘోరమో !

ఊపిరినుండి ఊయలదాకా 

జీవితం చివరిదాకా 

అన్నీ ఇచ్చింది అమ్మ కడుపు !

నీకు ఏమివ్వగలం ?

ఈ కవిత నీకోసం 

మాతృపిండం దదామ్యహం...  

వటువేశధారి !

వటువు కాదే వీడు విష్ణువు !

సృష్టి నీది కాదా ?

విశ్వము నీది కాదా ?

రాజ్యము ఇవ్వమని 

అడగవచ్చు కదా ... 

సిరుల తల్లి నీకు సతి కాదా ?

రమ్మంటే నీవు వెంటనే రాదా ?

రాజ్యము వదలమని 

చెప్పవచ్చుకదా ... 

యుద్ధమన్నా నీకు కొత్త ఏమీ కాదు కదా ?

గడియలో ఎదుటివాణ్ణి ఓడించేవు కదా ... 

పోరుకి రమ్మని 

అడగవచ్చు కదా .... 

చేతకాని వాడిలా 

"మూడడుగుల నేల" అంటూ 

చేయి జాచినావెందుకు ?

గొప్పతనాన్ని చెప్పినావులే జగముకు ... 

వటువు కాదే వీడు విష్ణువు !