సడి సేయకా సర్దుకొమ్మని,
చేతి గాజులకు చెవిమాటగా చెప్పాలి !
పలుకు లేక కునుకు తీయమని,
కాళ్ళ పట్టీలకు మరోసారి గుర్తు చేయాలి !
సెగలు పుట్టేను మరి !
రెండు చేతులా, నిండు వెన్నలను పట్టి తేవాలి ...
ఉలికి-పడేను మరి !
కంట చివరే చేదు కలలకు ఆగమని చెప్పాలి ...
నిదురలోనూ,
ఆమె వెండి నవ్వులు ఎండిపోకా ఉండిపోవాలి ...
మైమరిచేలా ,
కంటిపాపలు ఆమె మనసుకు జోలలు పాడాలి ...
నా చెలి నిదిరించువేళ .... !
No comments:
Post a Comment