పడమటి చివర
చీకటి దేశమా ...?
తూర్పును తడిపే
వెలుగుల సంద్రమా ...?
మీ ఊరేది ?
జాబిల్లికి జోలలు పాడే
తారల తీరమా ...?
అంతులు దొరకని
ఆగసాల హృదయమా ...?
మీ ఇల్లేది ?
వెండి చినుకలలో విరిసే
హరివిల్లుల వైనమా ...?
మంచును కురిపించే
చలిగాలి ఉదయమా ...?
మీ భావమేది ?
నీడలు లేని
సూరీడు నడిచే మార్గమా ...?
వెన్నెల వానలు కురిసే
పున్నమి కాలమా ...?
మీ దారేది ?
తోడుగా ఒకరికి ఒకరు
మౌనముగా పలుకనే పలుకరు
ఎక్కడిదాకా మీ పయణం ?
ఏమిటి మీ గమ్యం ?
ఎక్కడిదాకా మీ పయణం ?
ఏమిటి మీ గమ్యం ?
No comments:
Post a Comment